Guhit24K,Tatak Filipino Favorites

8/3/12

Guhit24: Vegetable Everyday



5/21/12

Likha ni Dee Gold- Chapter 2 ng Paghihintay Ng Puso ,p.10

Ang nakaraan, heto sa ibaba ang mga links:  
Chapter 1
Chapter 2
             " Becky, nasaan ba 'yong susi ng tindahan?" tanong ni Lani sa kapatid na sinundan niyang lumabas ng kwarto nila. Ang bilis kasing magkikilos ni Becky parang laging may humahabol dito .
             " Di ko alam kung naibigay ko na kay inay. o baka naman naiwan natin sa loob ng tindahan." seryosong sagot nito.
            " Becky, wag kang magbiro ng ganyan.Ikaw ang huling humawak ng susi. Hindi pwedeng iniwan mo sa loob.Lagot ka kay inay kapag ganoon nga ang nangyari." mahabang sermon ni Lani kahit nasisiguro niyang nagbibiro lang 'to kahit nagpapakaseryoso.
            " Heto ate hawak ko" amin ni Becky."Tara buksan na natin ang tindahan."
             Nang nasa loob na sila ng tindahan kaagad na kinuha ni Lani ang envelope na naglalaman ng letrato ni "Keanu Reeves". Dali-daling pumasok ng bahay si Lani at kaagad nagpunta ng kwarto nila ni Becky upang itago ang larawan sa lamesitang maliit na nasa tabi ng double deck bed nila si Becky.

              Nang palitan 'yong king sized bed nilang magkapatid double deck bed ang pinabili ni Becky sa ama nilang si Mang Bert dahil gusto nito sa taas siya natutulog. Feeling kasi ni Becky kapag  nasa itaas ito parang sakay siya ng flying carpet parang si princess Jasmin ni Aladdin.

Abangan ang 11


Spoiler, kung di ka na makapaghintay sa pangalan ng lalaki sa larawan, tingnan ang

Inspiring Filipino Romantic Series:Spoiler for Paghihintay ng Puso


5/19/12

Likha ni Dee Gold- Chapter 2 ng Paghihintay Ng Puso ,p.9

Ang nakaraan, heto sa ibaba ang mga links:  
Chapter 1
Chapter 2
                  Alas siyete na nang makapagsarado ng tindahan sina Lani at Becky.Pagkaalis ng pinsan nilang si Mike ay tuluy-tuloy pa rin ang pagdating ng mga suki na kanilang ina.
                  Pagpasok nila ng bahay ay bigla na lang naalala ni Lani na naiwan niya ang larawan ng kanyang future boyfriend sa tindahan.
                 'Future boyfriend talaga.' nangingiti si Lani sa naisip pero bago pa siya makabalik sa tindahan, naalala niya si Becky na naghahanap ng isusuot ng pambahay sa kuwarto nila. Naiwan kasi si Lani sa kusina upang magtimpla ng orange juice na request ni Becky.
                 " Balik ako sa tindahan, nakalimutan ko 'yong picture." ani Lani sa kapatid.Nadatnan pa rin niya ang kapatid sa kuwarto nila na di alam kung ano ang isusuot. Bagay daw ba sa kanya ang pulang sleeveless shirt at maong shorts o ternong light pink spaghetti at shorts.
                 " Kahit ano." napabuntong hiningang sagot niya.
                 " Bukas mu na lang kunin 'yong picture na 'yon,ate."
                 " Di 'yon pwede baka makita 'yon ni inay." sabad ni Lani.
                 " Okey ate, sasama na ako sa 'yo," nakuhang magbihis ni Becky at 'yong light blue na terno ang pinili nito samantalang siya suot pa rin ang kanina pa niya suot na white shirt at khaki pants.


Likha ni Dee Gold- Chapter 2 ng Paghihintay Ng Pus0 p.8

Ang nakaraan, heto sa ibaba ang mga links:  
Chapter 1
Chapter 2
                 Nag-eenjoy sina Lani at Becky kapag kasama si Mike pagkat ka-age level nila ito.Sa pamilya nina Mike ito ang bunso sa tatlong magkakapatid. Ang panganay ay si Ate Ludy  na bagong kasal. Partner nga ni Lani si Mike nang magbridesmaid siya dito. Ang ikalawang kapatid nito'y lalaki rin, si Kuya Mel na madalang lang nilang makita pagkat nasa kolehiyo na ito.
                 " Dumadami ang mga babaing bumibili," pansin ni Lani
                 " Siyempre nandito si Kuya," ani ni Becky sabay baling sa pinsan." Isa ka kasing heart throb para bang si John Lloyd Cruz."

                  Napailing si Mike, " Mahirap ang habulin ng babae pero mas mahirap habulin ang basketball praktis namin kung di pa ako aalis."
                  Nagkasabay silang magkapatid tumingin sa orasang nakasabit sa dinding ng tindahan, 2:00 PM na may praktis nga pala si Mike, " Mauuna na ako."
                  " O, sige Mike," sabi ni Lani na sa sobrang pakikipagkwentuhan ay di rin namalayan ang oras.
" Ingat ka at salamat sa pagtulong sa amin."
                   " Salamat din sa bike mo,"habol naman ni Becky bago lumabas ang pinsan.
                   " Ok, remember just call my name and I'll be there." biro ni Mike. " Mauuna na ako.Next time isasama ko kayo sa praktis pag di kayo bantay tindahan.
                     Nasa harapan na si Mike ng tindahan inaayos ang bike nito habang minamasdan siya ng magkapatid.
                    " Oo, kami ang magiging cheerleaders mo," sambit ni Lani at saka sinabayan ni Becky ng," Give me a M, an I, a K and an E.Go,go,go MIKE "
                    " Ihanda ninyo ang mga pompoms ninyo baka next week may laro na kami."ani Mike sabay sakay sa bike at kumaway na sa kanilang dalawa.

Abangan ang p.9
                   
Dee's Short romantic fiction for young adults which is the first of my Read-A-Minute series.
Falling in Love with an American Idol Part One
Falling in Love with an American Idol Part Two

5/17/12

Likha ni Dee Gold- Chapter 2 ng Paghihintay Ng Puso ,p.7

Kung gustong basahin ang mga Chapter 1, heto sa ibaba ang mga links:  
Chapter 1
          Ilang minuto matapos kumain ni Lani ay dumating naman ang pinsan nilang si Mike. Kinukuha nito ang bike na hiniram ni Becky..
          " Naku pasensya ka na Kuya." paghingi ng paumanhin ni Becky sa pinsan. " Ang dami kasing bumibili kanina kaya nakalimutan kong ibalik."
          " Ok,lang. Ikaw pa?" ngiti ni Mike. " Tutulungan ko na kayo ni Lani. Mamyang 2:00 palang ang basketball practice.
          " Hay, salamat dumating ka Mike para may tumulong sa amin".natutuwang sabi  ni Lani. Isang buwan lang ang tanda nito sa kanya kaya di na nagpapatawag ng kuya kay Lani.Magkaklse pa nga silang dalawa mula elementarya hanggang sa high school.
           Hindi na muna nila napag-usapan ni Becky ang larawan dahil kasama nila si Mike.Tuwing walang bumibili nagkukuwentuhan silang tatlo.
           " Wala kang girlfriend ngayon kuya?"tanong ni Becky.
           " Wala sa ngayon,nakakaligtas nga ako sa mga humahabol sa akin pagkat akala nila kami ni Lani."natatawang biro nito.Palibhasa'y mag-first cousin sila sa mother side kaya di pareho ang apelyido nila.Perez sina Lani at si Robles naman si Mike.
           "Iba talaga ang may pinsang kasing ganda ni Lani." dagdag pa ni Mike.
          Napangiti si Lani sapagkat nang sabihin ito ng pinsa'y napaismid si Becky. Alam na ni Lani ang sasabihin nito.
          " Si ate lamang ba ang maganda mong pinsan?"pagkatapos ay pinahid pa nito kunwa'y ang mga mata sa panyong hawak.
             "Maganda ka rin." sabi ni Mike."Di ko nga sure kung si Angel ang kamukha mo o si Glaiza de Castro"

             " Siyempre pareho." salo na ni Becky at tinapos na ang di makatotohanang drama nito.Tawanan na naman silang tatlo.

Abangan ang p.8

Read More:

Short romantic fiction for young adults which is the first of my Read-A-Minute series.
Falling in Love with an American Idol Part One
Falling in Love with an American Idol Part Two

Sweet Things Series:
Four Sweet Things a Wife can do for her Husband
Four Sweet Things a Wife can do for her Husband 2
Four Sweet Things a Wife can do for her Husband 3
Four Sweet Things a Wife can do for her Husband 4

5/7/12

Likha ni Dee Gold- Chapter 1 ng Paghihintay Ng Puso ,p.6

Kung gustong basahin ang mga naunang bahagi , heto sa ibaba ang mga links: 
              " Nay, secret muna po," napangiting sagot ni Becky na mukhang relax na relax sa pagkakaupo.Sa totoo lang pareho silang nabigla ni Lani sa pagdating ni Aling Mila.
              " Okey dahil ayaw ninyong sabihin kayo na muna ang tatao dito sa tindahan para makapagpahinga ako," napangiting sambit ng kanilang ina at iniwan na sila sa tindahan.
              " Wrong timing na naman si inay," natatawang sabi ni Becky nang makita nilang pumasok na si Aling Mila sa bahay nila." Pero okey na dito muna tayo, makakapag-kwento ako ng maayos tungkol sa MPP."
              " Anong MPP?"tanong ni Lani
              " E di Maling Picture Pala."
              Hindi alam ni Lani kung maiinis o matatawa sa punchline ni Becky.Yan ang pagkakaiba nila ni Becky kung siya parang isang Maria Clara na hindi basta-basta gagawa ng eksena, si Becky nama'y parang magandang "clown" 
         Image Source
              Kapag kasama ni Lani ang kapatid niya'y nahahawa na din siya.Tiyak na magkakaroon ng tawanan at walang magiging dull moments.
               " Kung anu-ano na ang naiisip mo,"sabi na lang ni Lani." Simulan mo na nga mo na nga at kanina pa nauudlot."
              Di pa nakapagsalita si Becky biglang maroong bumuli.Wala silang nagawa kungdi asikasuhan na ito.Pagkatapos ay sunud-sunod na dumating ang mga suki ng kanilang ina.
              Di na rin nakuhang magsabay mananghalian ng magkapatid dahil palaging may bumibili.Nauna na si Becky sa kanya para may mag-asikaso sa mga ibang bumibili.

Read the Sweet Things Series:
Four Sweet Things a Wife can do for her Husband
Four Sweet Things a Wife can do for her Husband 2
Four Sweet Things a Wife can do for her Husband 3
Four Sweet Things a Wife can do for her Husband 4
             

5/5/12

Likha ni Dee Gold- Chapter 1 ng Paghihintay Ng Puso ,p.5

  Kung gustong basahin ang mga naunang bahagi , heto sa ibaba ang mga links:
         Di naman nainip si Lani habang wala si Becky dahil maraming mga bumibili.Nang paalis na ang huling customer ay dalawang cute na bata ang lumitaw kasama ang kanil;ang yaya.Nadatnan siya ni Becky na kasusap ang mga chikiting, isang batang lalaki at babae.
         Bumili ang mga ito ng mga kendi. Natanong na ni Lani ang mga edad nila at nalaman niyang apat na taong gulang ang batang babae at pitong taon naman ang kuya nito.
         " Ano naman ang names ninyo?" nagtanong na rin si Becky.
         " I'm Carl and this is my sister Kim," sagot ng guwapong bata.
         " Sosyal,"bulong ni Becky sa kanya." Baka mag-nosebleed tayo dito"
         Napangiti si Lani, "Here's you change."
        Sa susunod na bibili kayo bibigyan ko kayo ng libreng ice candy."dagdag ni Becky.
         " Ice Candy?What's that?" tanong ng mestisang si Kim.
          Kumuha si Lani ng dalawang melon flavored ice candy sa ref ng tindahan
         " Here, I'm giving you both before you leave,"sabi ni Lani sabay abot sa mga bata ng ice candies
" Don't forget to brush your teeth after eating sweets"
         " Thank you," sabi ng dalawang bata at kumaway na paalis ang mga ito kasabay ng kanilang yaya.
          Narinig nila si Kim nang sabihin nito sa kuya ang, " Let's not forget to brush, Kuya."
          Nang malayu-layo na ang  mga ito bigla niyang napansin si Becky na natatawa kaya tinanong niya kung ano ang dahilan.
          " Bagay ka kasi talagang mag-teacher.Parang nakikita ko ang sasabihin ng mga bata sa 'yo,teacher mabait po ako ngayon,pwede ninyo po ba akong bigyan ng ice candy?"nagsalitang pang parang boses bata si Becky sabay kuha ng ice candy sa ref sabay sabing, " Gutto mo?"
          " Ayoko,baka may lason," naki-ride niyang sagot at nagtawanan na sila.
          " O,wag ka na munang humirit,kailangan ko ng marinig ang 'yong kwento "sabi ni Lani pagkat ito na ang pagkakataon niyang malaman ang tungkol sa larawan.
          "Anong kwento yan?"tanong ni Aling Mila na hindi nila napansing dumating ang kanilang ina.
          
     Ituloy sa Likha ni Dee Gold- Chapter 1 ng Paghihintay Ng Puso ,p.6
    
Read the Sweet Things Series:
Four Sweet Things a Wife can do for her Husband
Four Sweet Things a Wife can do for her Husband 2
Four Sweet Things a Wife can do for her Husband 3
Four Sweet Things a Wife can do for her Husband 4

5/4/12

Likha ni Dee Gold- Chapter 1 ng Paghihintay Ng Puso ,p.4

              Kung gustong basahin ang mga naunang bahagi , heto sa ibaba ang mga links:
               Natanong ni Lani sa sarili,  di nga ba niya talagang gustong makita si " Keanu Reeves"?

     
            Nagpapakatotoo na siya , pagkat di naman niya malilihim sa sarili,  na gusto niyang kahit minsan lang ay magkita sila ng lalaki sa larawan. Napailing siya nang makita niyang dumarating na si Becky na nakasakay pa sa isang asul na bike.Dali-dali niyang isinilid ang larawan sa envelope at baka matukso pa siya ng kapatid.
            " Kanino naman "yan?" tanong niya habang sinasandal ni Becky ang bike sa tabi ng tindahan.
            " Kay Kuya Mike," sabi naman nito na ang tinutukoy ay ang bunsong kapatid ng ate Ludy nila na first cousin nila sa mother side." Nagmamadali kasi ako at ayaw kong ma-expose sa sun , baka umitim ako." pabiro pa nitong dagdag.
              " Mas bagay mo nga ang maitim," biro niya sa kapatid.
              " Oo nga ',te dahil exotic ang beauty ko,"
              Pareho silang morena kaya lang ang features ni Becky pang-Angel Locsin samantalang siya parang hawig kay Choi Ji-woo ng Stairway to Heaven.
 
                " Hala, ang lakas ng hangin dito sa tindahan" sabi ni Lani at nagkatawanan silang dalawa.
               Palibhasa may lahing Kastila ang tatay nila samantalang kay Aling Mila naman ay may Korean blood sila. 
              Half-Korean and half Filipino ang nanay nila. Di nga lang sila nakakuha ng fair complexion dito at sa ama sila sumunod na. kahit mukhang Kastila. pinoy na pinoy ang kulay.
                 " Maliligo muna ako uli ate"
                 " Oo, amoy araw ka nga,"
                 Nangako pa si Becky na kaagad siyang babalik sa tindahan pagkatapos maligo para maikwento kung ano ang nangyari sa studio ni Mang Ben.Malalaman na niya kung bakit nawawala ang kanyang larawan.
                 Nasasabik na nga si Lani na maririnig kung bakit napunta sa kanila ang graduation portrait ni "Mr. Pogi ".
            
Ituloy sa Likha ni Dee Gold- Chapter 1 ng Paghihintay Ng Puso ,p.5
Read the Sweet Things Series:
Four Sweet Things a Wife can do for her Husband
Four Sweet Things a Wife can do for her Husband 2
Four Sweet Things a Wife can do for her Husband 3
Four Sweet Things a Wife can do for her Husband 4

5/3/12

Likha ni Dee Gold- Chapter 1 ng Paghihintay Ng Puso ,p.3

 Basahin ang Likha ni Dee Gold- Chapter 1 ng Paghihintay Ng Puso ,p.1  
at  Likha ni Dee Gold- Chapter 1 ng Paghihintay p.2 


Image Source
                Pagpasok ni Lani sa tindahan di niya inaasahan na ang ina lamang nila ang madadatnan niya roon.kaya kaagad siyang nagtanong kay Aling Mila.
                " Nay, nasaan po si Becky?"
                " Ipinahatid ko lamang ang pagkain ng tatay mo." sagot ng ina niya. "O ,ikaw na ang bahala dito at naghihintay na si ate Ludy mo.
                 Naisip ni Lani na matatagalan si Becky pagkat malayu-layo ang pinagagawang apartment kung saan isa sa mga Engineer ang kanyang ama.Siguro mula sa kanila dalawang kanto pa ang layo nito sa kanila.
                 Pinalaki sila ni Becky na simple ang pamumuhay kahit maganda ang sahod ng kanyang ama di sila naging spoiled.Sa sipag ng kanilang mga magulang ay kayang-kaya silang pag-aralin sa mga pribadong paaralan pero pinili nilang magkapatid na manatili sa mga pampublikong paaralan..Kagaya niya sa PNU siya tiyak na papasok pagkat Education nga ang kanyang kukunin.
                 Napatingin si Lani sa orasan na nakasabit sa dinding ng tindahan.Malapit na nga palang mag-12 PM. Siguradong pagdating ni Becky ay gutom na ito.Iniwanan naman sila ng ina ng pagkain sa tindahan para di na sila kumain sa loob ng bahay.
                 " Nakakainip palang maghintay kapag ganito,"napabuntung-hininga si Lani .
                  Naalala niya ang larawan at dahil wala pang bumibili, tiningnan niya itong muli.Ngayon lamang niya ito makikitang mabuti . Guwapo ang lalaki para ngang hawig kay Keanu Reeves.Katatapos din ng High School pagkat graduation portrait niya ito.
                  ' Ang ganda ng kanyang ngiti,' masid niya.
                  Ngayon lang siya humanga ng ganito at sa isang lalaki na nasa larawan pa niya nakuhang maramdaman iyon. Sa totoo lang ayaw niyang magkaroon ng crush para di siya ma-in-love kaagad. Gusto muna niyang makatapos para maipagmalaki siya ng magulang at sundan ni Becky ang kanyang yapak. Meron namang mga dumadalaw sa kanila pagkat ayaw niyang maligawan sa daan, Maria Clara yata siya , pero nakuha niyang hindi magkaroon ng boyfriend.
                  Ngayon sa isang larawan hahayaan niya ang sarili na magkaroon ng inspirasyon. Di naman sila magkakilala kaya imposibleng magustuhan siya nito.         

Ituloy...
Likha ni Dee Gold- Chapter 1 ng Paghihintay Ng Puso ,p.4


Read the Sweet Things Series:
Four Sweet Things a Wife can do for her Husband
Four Sweet Things a Wife can do for her Husband 2
Four Sweet Things a Wife can do for her Husband 3
Four Sweet Things a Wife can do for her Husband 4

5/2/12

Likha ni Dee Gold- Chapter 1 ng Paghihintay Ng Puso ,p.2

Paki basa ang, Likha ni Dee Gold- Chapter 1 ng Paghihintay Ng Puso ,p.1  bago ito ituloy.

        Excited na inilabas ni Lani ang larawan pero nagulat siya sa nakita.
       " Sino 'to ?" bulalas niya.
        “ Grabe naman, ate.” sagot ni Becky. “ Imposible naman si Jennifer Aniston ang lumitaw diyan..”
        Di na sumagot si Lani at sa halip ay binigay na lamang ang larawan sa kapatid. Kinuha naman ito ni Becky at pagkakita dito’y bigla siyang na-tongue tied.
        “ O,ano di ka na makapagsalita? Sino siya?:”
        “ Si Mr. Pogi 2012.” mahinang tugon ni Becky .
        Alam niyang gusto lang siyang mapangiti ng kapatid pero nag-init ang kanyang tenga.
        “ Hay , Becky naman ipinagpalit mo ba ang picture ko? Para magkaroon ka ng picture nitong lalaking ito?
         Bumuntung hininga si Becky. Naisip tuloy ni Lani na nagdamdam ito.Nakonsensya tuloy siya dahil di muna niya hinintay kung ano ang tunay na dahilan kung bakit ang picture ni “Mr. Pogi 2012” ang laman ng envelope.
         “ Becky, paki paliwanag nga”
         " Ganito kase, ate... "
           Ngunit bago pa nakapagsalita si Becky, narinig nila ang mga hakbang patungo sa kwarto nila.Ilang sandali nga’y bumukas ang kanilang pinto.
         “ Nandiyan lang pala kayo.Pwede bang kayo muna ang tumao sa tindahan?Pupunta lang ako kina Ate Ludy ninyo,” sabi ng ina nilang si Aling Mila pagpasok nito sa kwarto. Ang tinutukoy nito ay ang pinsan nilang bagong kasal na kumuha kay Lani bilang isa sa mga Bridesmaids.
          Wrong timing ang nanay nila.Naudlot tuloy ang pagpapaliwanang ni Becky. Gustung-gusto na talagang marinig ni Lani ang sasabihin nito.
           “ Sa tindahan na lang,” bulong ni Becky na  sumunod na kaagad sa ina patungong tindahan na nasa tapat ng bahay nila.
            Naalala naman ni Lani ang larawan kaya kinuha muna niya ang envelope na ipinatong ni Becky sa tokador nila, bago siya sumunod sa tindahan.
           Aminin man niya o hindi sa sarili gusto niya muling makita ang maamong mukha ng lalaki sa larawan.
          

 

 

 

 

 

 

 

 

 

       


       

 



Likha ni Dee Gold- Chapter 1 ng Paghihintay Ng Puso ,p.1

            Nagtago ito nang  mahabang panahon.Isinulat ko ito bago pa ako mag-18 taong gulang dahil nangarap akong mailalathala ito bago ako mag-debut ngunit nang patapos na ang kwento ay bigla ko itong tinigilan dahil siguro di ako handang ma-reject ng mga publishers.
             Kung noon di ko nakuhang ituloy ang kuwento ,sana ngayo'y magkaroon ako ng inspirasyong matapos ang Paghihintay ng Puso, sa pamamagitanng blog na ito.Matagal naman din itong naghintay sa mga files ko.
            

                                                         CHAPTER 1

               “ Becky, bumangon ka na.”,  utos ni Lani sa kapatid. Kanina pa niya ito ginigising pero ayaw bumangon.
               “ Ate naman, unang araw ng bakasyon at ang aga-aga pa .”, reklamo nito sabay agaw sa unan na kinuha sa kanya ni Lani.
               “ Anong Aga baka gusto mong maging Gabby?”, napangiting biro ni Lani.” Hoy, 7:00AM na!” sabay hila niya sa kapatid kaya napilitan na nitong bumangon.
                Close talaga silang magkapatid. Hindi sila tulad ng iba na dadalawa na nga lamang ay palagi pang nag-aaway.
                 Isang taon lang tanda ni Lani sa fifteen years old  na si Rebecca,AKA, Becky. Fourth year high school na ito sa pasukan at siya naman ay magiging first year college sa kursong education.
                Habang inaayos ni Becky ang higaan nila, sinimulan na ni Lani ang kanina pa niya gustong sabihin.”Pagkatapos mong mag-almusal pumunta ka sa studio ni Mang Ben at paki kuha ‘yong solo picture ko nung mag-bridesmaid ako sa kasal ni ate Ludy.”
              “ Yan pala ang dahilan kung bakit mo ako ginigising.”, napangiting tugon ni Becky.
No problem,basta ikaw ang maghuhugas ng plato buong araw,”          
               “ Deal,” natatawang tango ni Lani.Alam naman niyang hindi ito tatanggi pero siguradong may kapalit.
             Nang nakakain na sila ng almusal umalis na si Becky kaya sinimulan na niya ang paglilinis ng kanilang silid.
              Ilang sandali lang ay narinig niya ang malalakas na yabag patungo sa kanilang silid.Sigurado niyang nakabalik na si Becky pagkat kadalasan ay pasayaw-sayaw pa ito kapag pumapasok ng bahay nila.
               “ Ate, heto na ang pinakahihintay mo,” sabi nito pagpasok sabay abot sa isang brown envelope.
              “ Ikaw talaga,sana nga maganda ang kuha ko dito,salamat” aniya.

 Ituloy...